İqlim dəyişikliyi yanğın aktivliyinin artmasının əsas səbəblərindən biridir. Həddindən artıq isti dalğaları bu gün 150 il əvvəlkindən 5 dəfə çoxdur və planet istiləşməyə davam etdikcə meşə yanğınlarının daha tez-tez baş verəcəyi gözlənilir.

İqtisadiyyat.az-ın araşdırmasına görə, dünyada ən çox meşə yanğını ABŞ, Kanada, Avstraliya, Cənubi Afrika və Cənubi Avropa kimi bölgələrdə baş verir.

Araşdırmalara görə, 2023-cü ildə meşə yanğınlarının qlobal iqtisadi ziyanı təqribən 6,8 milyard ABŞ dollarına çatıb. 1990-cı ildən bəri dünyada meşə yanğınlarının ən çox iqtisadi ziyan vurduğu il 22,8 milyard dollar ilə 2018-ci il olub.

İllər	Meşə yanğınlarının vurduğu iqtisadi zərər
1990	1,6 milyard dollar
1995	134,5 milyon dollar
2000	2,5 milyard dollar
2005	3,8 milyard dollar
2010	2 milyard dollar
2011	3 milyard dollar
2012	1,1 milyard dollar
2013	1 milyard dollar
2014	259 milyon dollar
2015	3,4 milyard dollar
2016	6,2 milyard dollar
2017	16,9 milyard dollar
2018	22,8 milyard dollar
2019	3 milyard dollar
2020	11,8 milyard dollar
2021	8,1 milyard dollar
2022	2,1 milyard dollar
2023	6,8 milyard dollar

 

Qeyd edək ki, 2023-cü ildə dünyada 15 böyük meşə yanğını fəlakəti qeydə alınıb. 2023-cü il 1991-ci ildən bəri meşə yanğınlarının səbəb olduğu ikinci ən ölümcül il olub. Həmin il qlobal miqyasda meşə yanğınları nəticəsində ölənlərin sayı 263 nəfər olub. Son üç onillikdə qlobal meşə yanğınları nəticəsində ölənlərin sayı 3300-ü ötüb.

 

Gözəl Həşimova