Dünyada bəzi "McDonald's" restoranlarının fəaliyyəti sistem nasazlığına görə dayanıb.

Bu barədə İqtisadiyyat.az "AP"a istinadən xəbər verir.

Məlumata görə, dünyadakı bəzi "McDonald's" restoranları fəaliyyətini dayandırmağa məcbur edən sistem nasazlığı yaşayıb. Xüsusilə Yaponiya, Honq-Konq və Avstraliyada problemlərlə bağlı şikayətlər olub.

Böyük Britaniya, Danimarka, İspaniya və Taylandda da problemlər müşahidə olunub. Korporasiya sözçüsü nasazlığı aradan qaldırmaq üçün işlərin davam etdiyini bildirib. Problemin nə olduğu açıqlanmayıb, ancaq "McDonald's" bunun kiber hücum olmadığını vurğulayıb.

 

Gözəl Həşimova