Avqust ayında dünyada COVID-19 pandemiyasına yoluxma halları iyul ayı ilə müqayisədə 38% artıb.

İqtisadiyyat.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.

Hesabat dövründə dünyada 1,4 milyondan çox insan bu virusa yoluxub. Müvafiq olaraq, iyulun 31-dən avqustun 27-dək koronavirus səbəbilə 1800-dən çox insan ölüb. Əvvəlki 28 günlük dövrlə müqayisədə yoluxma 38% artıb, ölüm halları isə 50% azalıb.

Ümumdünya Səhiyyə Təşkilatının məlumatına görə, bugünə qədər dünyada 770 milyondan çox yoluxma, 6 milyon 956 min isə ölüm halı qeydə alınıb.

 

Gözəl Həşimova