Dünya üzrə dam örtüyü günəş elektrik stansiyalarının enerji gücü ötən il 2021-ci illə müqayisədə 50% artaraq 118 giqavata çatıb.

İqtisadiyyat.az "Anadolu Agentliyi"nə istinadən xəbər verir ki, bu barədə "SolarPower Europe"nin "Günəş Enerjisi Qlobal Bazarına Baxış 2023-2027" hesabatında deyilir.

Bu sahədə əldə edilən sürət sayəsində dünyada 36 milyon ev günəş enerjisi ilə təchiz edilib.

Hesabata əsasən, dünyanın 26 ölkəsində günəş enerjisi bazarı "giqavat" səviyyəsindədir. Məlumata görə, ötən il əlavə edilən 362 giqavatlıq bərpa olunan enerjinin ümumi həcminin 66%-ni günəş qurğuları təşkil edib.

Əlavə edək ki, ötən il qlobal günəş enerjisi bazarı 25% artıb və ümumi enerji gücü 1,2 teravata çatıb.