Dünya üzrə ən çox gümüş hasil edən ölkələrin siyahısı açıqlanıb.
İqtisadiyyat.az xəbər verir ki, gümüş hasilatı statistikası ABŞ Geoloji Xidmətinin ən son məlumatlarına əsaslanır.
Araşdırmalar göstərir ki, ötən il qlobal gümüş istehsalı 26 min tona çatıb.
Bu dövrdə Meksika yenidən dünyanın aparıcı gümüş istehsalçısı olub. Meksika və Çilidə hasilatın artması səbəbindən, burada yeni gümüş mədənləri fəaliyyətə başlayıb və hasilat artıb.
Bəs ən çox hansı ölkələr gümüş istehsal edir?
1. Meksika
Gümüş istehsalı: 6,400 ton
Meksika dünyanın ən böyük gümüş hasilatçısı kimi liderliyini qoruyur. Ölkənin ötən il gümüş istehsalı 205 ton artaraq 6400 tona yüksəlib. Eyni zamanda, Meksikada dünyanın ən böyük gümüş şirkəti Fresnillo yerləşir.
2. Çin
Gümüş istehsalı: 3400 ton
Çin ən çox gümüş hasil edən ölkələr siyahısında ikinci yerdə qərarlaşıb. Ötən il ölkə 3400 ton gümüş istehsal edib.
3. Peru
Gümüş istehsalı: 3100 ton
Peru 3,100 ton ilə gümüş hasilatında üçüncü yeri tutub. Peru dünyanın ən böyük gümüş ehtiyatlarına malik bölgəsidir. Ölkə gələcəkdə birincilik uğrunda mübarizə aparmağa imkan verə verən böyük miqdarda istifadə edilməmiş gümüş potensialına da malikdir.
4. Çili
Gümüş istehsalı: 1400 ton
Çili 2023-cü ildə 1400 ton gümüş hasil edib ki, bu da 2022-ci illə müqayisədə təqribən 126 ton azdır. ABŞ Geoloji Xidmətinin məlumatına görə, ölkənin gümüş ehtiyatları 26 min ton səviyyəsində qiymətləndirilir.
5. Polşa
Gümüş istehsalı: 1300 ton
Polşa ötən il 1300 ton gümüş hasil edib ki, bu da 2022-i illə eyni səviyyədir.
Gözəl Həşimova