Dünya üzrə bu ilin birinci yarısında gəmi sifarişlərinin ümumi sayı 678 təşkil edib. Çin gəmi istehsalçıları isə bu sifarişlərdən 428-ni qəbul edib.
İqtisadiyyat.az dünya mediasına istinadən xəbər verir ki, bu barədə İngiltərənin araşdırma və təhlil təşkilatı "Clarkson Research" məlumat açıqlayıb.
Bu ilin ilk yarısında alınan sifarişlərə görə Çin gəmi istehsalçıları dünyada birinci yerdə qərarlaşıblar. Digər tərəfdən, ölkə iyun ayında 71 gəmi sifarişi alıb ki, bu da dünya üzrə ümumi sifarişin 80%-ni təşkil edir.
Əlavə edək ki, ötən il Çin həm istehsal, həm də alınan sifarişlər baxımından ən böyük paya malik olmaqla, dünya reytinqində birinci yerdə qərarlaşıb.
