İqtisadiyyat.az-ın məlumatına görə, "Toyota" 2024-cü ilin sentyabr ayına qədər 7,61 milyon avtomobil satışı ilə liderliyini qoruyub (-3% illik müqayisədə).

"Volkswagen Group" 6,13 milyon avtomobil (-2,3%) ilə ikinci yeri tutub. "Hyundai-Kia" konqlomeratı isə 5,05 milyon avtomobil satışı ilə üçüncü yerdədir (-3,7%).

"Renault-Nissan" alyansı satışlarını artıraraq 4,61 milyon avtomobil ilə dördüncü yerə yüksəlib (+1,2%). "Stellantis" korporasiyası isə bir pillə geriləyərək 4,35 milyon avtomobil satışı ilə beşinci olub (-8,3%).

Çin istehsalçısı "BYD" 2,52 milyon avtomobil satışı ilə 35,6%-lik artım göstərərək 9-cu sıraya yüksəlib. Həmçinin "Suzuki" 2,36 milyon avtomobil satışı ilə güclü artım (+4,4%) nümayiş etdirib və TOP-10-da yer alıb.

2024-cü ildə ən çox avtomobil satan şirkətlərin siyahısı belədir:

Toyota – 7,61 milyon avtomobil (-3%).
Volkswagen – 6,13 milyon avtomobil (-2,3%).
Hyundai-Kia – 5,05 milyon avtomobil (-3,7%).
Renault-Nissan – 4,61 milyon avtomobil (+1,2%).
Stellantis – 4,35 milyon avtomobil (-8,3%).
General Motors – 4,12 milyon avtomobil (-6,5%).
Honda – 2,863 milyon avtomobil (-1,3%).
Ford – 2,862 milyon avtomobil (-0,3%).
BYD – 2,52 milyon avtomobil (+35,6%).
Suzuki – 2,36 milyon avtomobil (+4,4%).

Davud Hüseynli