Dünyada ən çox buğda istehsal edən ölkələrin siyahısı açıqlanıb.
İqtisadiyyat.az bununla bağlı dünya statistikasının məlumatları əsasında araşdırma aparıb.
Araşdırmalara görə, 2023/2024 maliyyə ilində Çin 136,6 milyon tondan çox istehsal həcmi ilə lider olub. Bu ölkəni 134 milyon tondan çox hasilatla Avropa İttifaqı izləyib.
Məlumata əsasən, buğda ABŞ-də qarğıdalıdan sonra becərilən ikinci ən vacib dənli bitkidir. Bu dövrdə ABŞ-də 49,3 milyon ton buğda istehsal olunub.
Bəs ən çox buğda istehsal edən ölkələr hansılardır?
Ölkə |
İstehsal həcmi |
Çin |
136,5 milyon ton |
Avropa İttifaqı |
134,3 milyon ton |
Hindistan |
110,5 milyon ton |
Rusiya |
91 milyon ton |
ABŞ |
49,3 milyon ton |
Kanada |
33,8 milyon ton |
Pakistan |
28 milyon ton |
Avstraliya |
25,5 milyon ton |
Ukrayna |
23,4 milyon ton |
Türkiyə |
19,5 milyon ton |
Qeyd edək ki, bu ilin yanvar-may aylarında Azərbaycan 328,5 min ton buğda idxal edib. Bu həcmdə buğdanın dəyəri 72,7 milyon ABŞ dolları təşkil edib. Bunlar, ötən ilin eyni dövrü ilə müqayisədə həcm baxımından 121,6 min ton (27 %), dəyər baxımından isə 62,2 milyon ABŞ dolları (46,1 %) azdır.
Əlavə edək ki, 2023/2024 maliyyə ilində qlobal miqyasda buğdanın əsas istehlakçıları Çin, Avropa İttifaqı və Hindistan olub. Çin bu dövrdə 153 milyon tondan çox buğda istehlak edib.
Gözəl Həşimova