Gələn ilin sonunadək dünyada elektriklə işləyən avtomobillərin, o cümlədən nəqliyyat vasitələri, avtobus və yük maşınlarının sayı 85 milyona çatacaq.

İqtisadiyyat.az xəbər verir ki, bu barədə "Gartner" araşdırma şirkəti proqnoz verib.

Qeyd edilib ki, bu ilin sonuna qədər dünyada təxminən 64 milyon elektrikli avtomobil olacaq. Bu rəqəmə 45,87 milyon akkumulyatorlu elektrikli avtomobil və 18,16 milyon hibrid daxildir.

Gələn il Çin yollarında elektriklə işləyən avtomobillərin sayı 58%, Avropada isə 24% artacaq. Bu iki bazar dünyada istifadə edilən bütün elektrikli avtomobillərin 82%-ni təşkil edəcək.

 

Gözəl Həşimova