Son bir neçə ildə bitki yağlarının qlobal istehsalı daim artmaqdadır.

İqtisadiyyat.az-ın araşdırmasına görə, 2022/2023-cü maliyyə ilində bitki yağı istehsalı dünya üzrə təxminən 210,3 milyon ton təşkil edib.

2023/2024 maliyyə ilində bitki yağı istehsalının 217 milyon tondan çox artacağı proqnozlaşdırılır. Beləliklə, bu maliyyə ilində bitki yağı istehsalının rekord səviyyəyə çatacağı gözlənilir.

2007-ci ildən bəri illik bitki yağı istehsalı 5 faiz artsa da, 2012/2013-cü illərdə azalıb:

İllər

İstehsal həcmi

2000/2001

90,5 milyon ton

2005/2006

118,4 milyon ton

2006/2007

121,4 milyon ton

2007/2008

127,8 milyon ton

2008/2009

133,7 milyon ton

2009/2010

140,9 milyon ton

2010/2011

148,7 milyon ton

2011/2012

157,8 milyon ton

2012/2013

161,6 milyon ton

2013/2014

171,7 milyon ton

2014/2015

171,1 milyon ton

2015/2016

176,5 milyon ton

2016/2017

188,4 milyon ton

2017/2018

198,4 milyon ton

2018/2019

203,8 milyon ton

2019/2020

207,2 milyon ton

2020/2021

206,4 milyon ton

2021/2022

208,8 milyon ton

2022/2023

210,3 milyon ton

2023/2024

217,8 milyon ton

 

Araşdırmalara görə, günəbaxan yağı istehlakına görə lider Avropa İttifaqı (Aİ) olub. Həmin il Aİ-də bu yağın istehlakı 5,4 milyon tonu ötüb. Rusiya bu siyahıda ikinci, Hindistan isə üçüncü yerdə qərarlaşıb:

 

Ölkə

Günəbaxan yağı istehlakı

Avropa İttifaqı

5,4 milyon ton

Rusiya

2,3 milyon ton

Hindistan

2,2 milyon ton

Çin

1,7 milyon ton

Türkiyə

1,3 milyon ton

İran

825 min ton

 

Məlumata görə, tarixən bitki yağı istehsalının üstünlük təşkil etdiyi ölkələr İndoneziya və Malayziya olub. Son qiymətləndirməyə görə, Malayziya və İndoneziya dünya palma yağı istehsalının 85%-nə sahibdir. Hazırda Malayziya bitki yağlarının ən böyük ixracatçısıdır.

Bitki yağı sənayesi 2022-ci ildə 212,6 milyard dollar dəyərində qiymətləndirilib və 2027-ci ilə qədər 268,9 milyard dollara çatacağı proqnozlaşdırılır.

Qeyd edək ki, bu ilin yanvar-iyul aylarında Azərbaycan 119,8 milyon dollar dəyərində bitki və heyvan mənşəli yağlar idxal edib. Bu, ötən ilin eyni ayları ilə müqayisədə dəyər ifadəsində 16,3 milyon dollar çoxdur.

 

Gözəl Həşimova