Son 30 ildə dünyada baş verən təbii fəlakətlər təxminən 3,8 trilyon dollarlıq məhsulun itirilməsi ilə nəticələnib.

İqtisadiyyat.az xəbər verir ki, bu barədə BMT-nin Ərzaq və Kənd Təsərrüfatı Təşkilatının (FAO) “Fəlakətlərin kənd təsərrüfatı və ərzaq təhlükəsizliyinə təsiri” adlı hesabatında deyilir.

Məlumata görə, təbii fəlakətlər ildə orta hesabla 123 milyard dollar və ya illik qlobal kənd təsərrüfatı ÜDM-nin 5%-nin itirilməsi ilə nəticələnib. Ekspertlər qeyd edirlər ki, iqlim dəyişikliyi, pandemiya və silahlı münaqişələr kənd təsərrüfatı və ərzaq sistemlərinə təsir edir.

FAO vurğulayır ki, hər il ekstremal hadisələr nəticəsində orta hesabla 69 milyon tona qədər taxıl, 40 milyon ton meyvə-tərəvəz, 16 milyon ton ət, süd məhsulları və yumurta məhv olur.

 

Gözəl Həşimova