Hava yolu sənayesinin gələn il 964 milyard dollar gəlir əldə edəcəyi proqnozlaşdırılır. Bu da illik müqayisədə 7,4% çoxdur.

İqtisadiyyat.az xəbər verir ki, bu barədə Beynəlxalq Hava Nəqliyyatı Assosiasiyası məlumat yayıb.

Məlumata görə, gələn il dünyada aviaşirkətlərin gəliri rekord səviyyəyə çatacaq. Bununla belə, qlobal səviyyədə xalis gəlirliliyin həm 2023, həm də 2024-cü illərdə kapitalın dəyərindən xeyli aşağı olacağı gözlənilir.

Sənayenin xalis mənfəətinin bu il 23,3 milyard dollar, gələn il isə 25,7 milyard dollar olacağı proqnoz edilir.

Proqnozlara əsasən, gələn il hava nəqliyyatından istifadə edən sərnişinlərinin sayı pandemiyadan əvvəlki səviyyəni ötərək 4,7 milyard nəfərə çatacaq.

 

Gözəl Həşimova