Spirtli içki bazarı pandemiya, Ukrayna müharibəsi və inflyasiyanın yaratdığı tənəzzüldən artıq xilas olur. Buna görə də dünya üzrə spirtli içki bazarının gəliri ilbəil artmaqdadır.
İqtisadiyyat.az bununla bağlı dünya statistikasının məlumatları əsasında araşdırma aparıb.
Araşdırmalara görə, Çin və ABŞ dünyanın ən böyük spirtli içki bazarına sahibdir.
Siyahıda bu sahədə birincliyi qoruyan Çin 2022-ci ildə spirtli içkidən 140 milyard dollardan çox gəlir əldə edib. Təxminən 52 milyard dollar ilə ABŞ siyahıda ikinci yerdədir. 2022-ci ildə spirtli içkilər ABŞ-də ilk dəfə olaraq alkoqollu içki bazarında lider olan pivəni üstələyib.
Proqnozlara görə, 2027-ci ilə qədər spirtli içki bazarı ümumi bazarın təxminən üçdə birini təşkil edəcək.
Məlumata görə, Böyük Britaniya 2022-ci ildə dünyanın aparıcı spirtli içki ixracatçısı olub. Krallıqdan dünyanın digər ölkələrinə təxminən 9,3 milyard dollarlıq spirtli içkilər ixrac edilib.
Spirtli içki bazarının gəlirinin 2024-2029-cu illər arasında ümumilikdə 88,9 milyard dollar artacağı proqnozlaşdırlır. Bu bazarın gəlirinin 2029-cu ildə rekord səviyyəyə çatacağı təxmin edilir.
Ümumillikdə 2019-2029-cu illərdə dünya üzrə spirtli içki bazarının gəlirinin belə olacağı gözlənilir:
İllər |
İçki bazarının gəliri |
2019 |
485,6 milyard dollar |
2020 |
453,3 milyard dollar |
2021 |
480,8 milyard dollar |
2022 |
505,9 milyard dollar |
2023 |
524 milyard dollar |
2024 |
543 milyard dollar |
2025 |
562,4 milyard dollar |
2026 |
581,7 milyard dollar |
2027 |
601,3 milyard dollar |
2028 |
616,4 milyard dollar |
2029 |
631,9 milyard dollar |
Gözəl Həşimova