Mövzu ilə bağlı İqtisadiyyat.az-a açıqlama verən  tibb elmləri doktoru, professor Adil Qeybulla deyib ki, istər elektron, istərsə də ənənəvi siqaretlərin ictimai yerlərdə istifadəsi qadağan olunmalıdır:

"Şadlıq evlərində, hər hansı bir məclisdə insanlar siqaret çəkə bilməzlər. İnsanların istifadə etdiyi siqaret tüstüsü ilə başqaları nəfəs almamalıdır. Həmin insan öz pis vərdişi ilə təkcə özünə deyil, başqalarına da problem yaşatmamalıdır. Ona görə də bu diskriminasiya elementləri həm də onların həmin pis vərdişi tərgitməyə gedən bir yoldur. İnsanların bəziləri düşünür ki, bu qadağalar varsa, deməli bu pis əməldir və bundan əl çəkməliyəm. Beləliklə psixoloji bir fon da yaranmış olur". 

Elektron siqaretlərin qadağan olunmasının onların müxtəlif yollarla və qiymətlərlə ölkəyə gətirilməsinə səbəb olacağını diqqətə çatdıran professor vurğulayıb ki, ümumiyyətlə dünya səviyyəsində bir məsələ qaldırılaraq, elektron siqaretlərin istehsalı dayandırılmalıdır:

"Tam əmin ola bilərik ki, elektron siqaretlərin zərəri adi siqaretlərdən heç də az deyil. Bu zərərli tütünə öyrəşmə nikotinə bağlıdır. Elektron siqaretlərin içində olan aromatik maddələrin yanması zamanı orada da kolisiklik aromatik karbohidratlar əmələ gəlir ki, onlar da kansorogendir. Yəni onlar ən azı siqaret tüstüsü qədər təhlükəlidir. Bəzi insanlar adi siqareti tərgitmək üçün elektron növdən istifadə edirlər, lakin burada da nikotin və ondan asılılıq var. Ona görə də hesab edirəm ki, problem ciddidir". 

İsmayıl Bakuvi