"Standard & Poors" beynəlxalq reytinq agentliyi bu il üçün qlobal iqtisadi artım proqnozunu 2,7%-dən 2,9%-ə yüksəldib.

İqtisadiyyat.az xəbər verir ki, bu barədə qurum məlumat açıqlayıb.

Məlumata əsasən, qiymət artımına baxmayaraq, bir çox iqtisadiyyatda, xüsusilə, xidmətlərə olan tələb güclü olaraq qalıb. Açıqlamada, böyük Mərkəzi Bankların faiz dərəcələrinin daha uzun müddət yüksək qalacağına dair siqnallar verdiyi xatırladılıb.

Proqnozlara görə, ümumilikdə bu il qlobal iqtisadi artım sürətlənəcək, gələn il isə nisbətən yavaşlayacaq. Hesabatda dünya iqtisadiyyatının bu il və gələn il 2,9%, 2025-2026-cı illərdə isə 3,3% artacağı proqnoz edilir.