Beynəlxalq Valyuta Fondu (BVF) bu il qlobal iqtisadi artım proqnozunu 0,2% bəndi artıraraq 3,1%-ə yüksəldib.
İqtisadiyyat.az xəbər verir ki, bu barədə qurumun dünya iqtisadiyyatının inkişaf perspektivlərinə dair hesabatında deyilir.
BVF 2025-ci il üçün qlobal iqtisadi artım proqnozunu dəyişməyib - 3,2%.
Hesabata görə, bu il inkişaf etmiş ölkələrdə iqtisadi artımın bir qədər yavaşlaması gözlənilir. İnkişaf etməkdə olan ölkələrdə isə iqtisadi artımın bu il 4,1% səviyyəsində qalacağı, gələn il isə 4,2%-ə yüksələcəyi proqnozlaşdırılır.
Bundan əlavə, qlobal ticarət artımının bu il 3,3%, 2025-ci ildə isə 3,6% səviyyəsində olacağı gözlənilir.
Gözəl Həşimova