Dünya Bankı “Təbiətin sərhədləri: təbii kapitalla davamlılıq, səmərəlilik və tərəqqiyə nail olmaq” adlı yeni hesabat dərc edib.

İqtisadiyyat.az xarici mətbuata istinadən xəbər verir ki, hesabatda dövlətlərin bir sıra problemlərin öhdəsindən gəlməsi üçün yollar təklif olunub. 

Belə ki, hesabata görə, iqlim dəyişikliyi, iqtisadi səmərəlilik, ərzaq və su təhlükəsizliyi, sağlamlıq kimi qlobal problemlərin öhdəsindən dövlətlər öz təbii ehtiyatlarından daha səmərəli şəkildə, ətraf mühitə və insan rifahına xələl gətirmədən istifadə etməklə qalib gələ bilərlər.

Həmçinin qeyd edilib ki, hər bir ölkədə təbii ehtiyatlardan istifadədə böyük boşluqların aradan qaldırılması dünyanın bir çox aktual iqtisadi və ekoloji problemlərini həll edə bilər.