İqtisadiyyat.az xəbər verir ki, bu barədə Dünya Bankı məlumat yayıb.

Qeyd edilib ki, bu, 2008-ci ildən bəri ən yavaş artım tempidir.

“Qlobal iqtisadi artım ticarət maneələrinin əhəmiyyətli dərəcədə artması və qeyri-müəyyən qlobal siyasət mühitinin geniş təsirləri səbəbindən yavaşlayır”, - məlumatda deyilir.

Bank bildirib ki, tariflərin artırılması və bundan irəli gələn qeyri-müəyyənlik dünya iqtisadiyyatlarının əksəriyyətində geniş miqyasda artımın yavaşlamasına və perspektivlərin pisləşməsinə səbəb olur.

Dünya Bankı eyni zamanda, ABŞ-nin iqtisadi artım proqnozunu 2,3%-dən 1,4%-ə endirib. Bundan əlavə, Avrozonanın iqtisadi artım proqnozunu bu il üçün 0,7%-ə, gələn il üçün 0,8%-ə və 2027-ci il üçün 1%-ə endirilib. Digər tərəfdən, Çinin iqtisadi artımı ilə bağlı təxminlər bu il üçün 4,5% və 2026-cı il üçün 4% səviyyəsində sabit saxlanılıb.

 

Gözəl Azadəliyeva