Dünya Bankı Pakistan və Şri-Lankada canlanmanın təsiri ilə Cənubi Asiya regionunun iqtisadiyyatının bu il 6% artacağını proqnozlaşdırıb.
İqtisadiyyat.az xəbər verir ki, bu barədə bank Cənubi Asiya iqtisadiyyatı ilə bağlı hesabatını dərc edib.
Hesabatda Cənubi Asiyanın növbəti iki il ərzində dünyanın ən sürətlə inkişaf edən bölgəsi olaraq davam edəcəyi gözlənilir. 2025-ci ildə region iqtisadiyyatının artım tempinin 6,1% olacağı proqnozlaşdırılır.
Məlumata görə, bunun əsasən Hindistandakı güclü iqtisadi artımdan qaynaqlandığı da qeyd olunub.
Hesabatda vurğulanıb ki, davamlı struktur problemləri iqtisadi inkişafa təhlükə yaradır və regionun məşğulluq yaratmaq və iqlim şoklarına cavab vermək qabiliyyətinə mane olur.
Gözəl Həşimova
