Dünya Bankı Misir hökumətinin büdcə kəsirinin aradan qaldırılmasına kömək etmək üçün 700 milyon dollar ayırıb.

İqtisadiyyat.az xəbər verir ki, bu barədə bankın press-relizində deyilir.

Məlumata görə, 2022-ci ildə xarici valyuta qıtlığı ilə üzləşdikdən sonra Misir hökuməti üçün xarici maliyyələşdirmə zəruri olub.

Bildirilib ki, maliyyə dəstəyinin məqsədi özəl sektorun artımının stimullaşdırılmasına, ümumi iqtisadi vəziyyətin möhkəmləndirilməsinə, büdcə kəsiri probleminin həllinə və ekoloji yönümlü inkişaf modelinə keçidə yönəlmiş əsas islahatların həyata keçirilməsidir.

Qeyd edək ki, Misir Dünya Bankının bu ilin mart ayında qəbul etdiyi maliyyələşdirmə proqramı çərçivəsində nağd yardım alıb. Layihə Misirə növbəti üç il ərzində 6 milyard dollar vəsait təmin edir. Bu vəsaitin yarısı dövlət sektorunun inkişafına, digər yarısı isə özəl sektora yönəldiləcək.

 

Gözəl Həşimova