Dünyanın ən zəngin beş adamı 2020-ci ildən bəri sərvətlərini iki dəfədən çox artırıblar.

İqtisadiyyat.az xəbər verir ki, bu barədə beynəlxalq xeyriyyə və humanitar təşkilatın (Oxfam) hesablamalarında deyilir.

Məlumata görə, dünyanın ən zəngin beş adamı sərvətini 405 milyard dollardan 869 milyard dollara yüksəldib. Bu milyaderlər saatda 14 milyon dollar qazanıb.

Milyarderlər dünyanın 10 ən böyük korporasiyasından 7-nə rəhbərlik edirlər. Bu şirkətlərin aktivlərinin ümumi dəyəri 10,2 trilyon dollara çatır.

Hesablamalara əsasən, 2034-cü ilə qədər dünya ilk trilyonerinə sahib olacaq. Yoxsulluq isə daha 230 il ərzində aradan qaldırılmayacaq. Bundan əlavə, dünyada artıq 5 milyard insan yoxsullaşıb .

 

Gözəl Həşimova