Dubay Beynəlxalq Hava Limanı bu gündən etibarən fəaliyyətini tam bərpa edib.

İqtisadiyyat.az xəbər verir ki, bu barədə "Dubai Airports" məlumat yayıb.

Məlumata görə, hava limanında bəzi problemlər, o cümlədən baqajın idarə olunması ilə bağlı problemlər qalmaqdadır. Bildirilib ki, dünyanın ən böyük hava limanlarından birinin fəaliyyəti vaxtından əvvəl bərpa edilib.

Qeyd edək ki, aprelin 16-na keçən gecə Birləşmiş Ərəb Əmirliklərində (BƏƏ) bu bölgə üçün nadir olan güclü yağışlar yağıb. Xüsusilə, Əbu-Dabinin Əl-Ayn şəhərində 24 saatdan az müddətdə 254,8 mm yağış yağıb. Hökumət vətəndaşlara çox zərurət olmadıqca evlərini tərk etməməyi tövsiyə edib.

 

Gözəl Həşimova