Dövlət Turizm Agentliyinin (DTA) tabeliyindəki Milli Kulinariya Mərkəzində aparılan təmir işlərinin davamına ayrılacaq vəsait təsdiqlənib.
İqtisadiyyat.az xəbər verir ki, təmir işlərinin davam etdirilməsi ilə bağlı qərar qəbul olunub.
DTA Neftçi Qurbanov küçəsi 136 ünvanında yerləşən Kulinariya Mərkəzinin əsaslı təmiri üzrə qalıq işlərini yenidən "Promor" şirkətinə həvalə edib.
Qalıq işlərin davam etdirilməsinə 639 min manata yaxın vəsait sərf olunacaq. Agentlik bu vəsaiti şirkətə ödəyəcək. Yaxın vaxtda şirkətlə yeni müqavilənin bağlanılması nəzərdə tutulur.
Qeyd edək ki, əsaslı təmir işlərini indiyə qədər də "Promor" şirkəti aparıb. 2022-ci ildə DTA-nın sözügedən təmirlə bağlı elan etdiyi ilk tenderin qalibi bu şirkət olub və şirkətlə 618 860 manatlıq müqavilə imzalanıb. Təmir işləri ilə bağlı indiyədək keçirilən iki tenderin dəyəri 1 milyon 250 manatdan artıqdır.
