Dövlət Turizm Agentliyinin (DTA) tabeliyindəki Milli Kulinariya Mərkəzində aparılan təmir işləri davam etdiriləcək.

İqtisadiyyat.az xəbər verir ki, agentlik təmir işlərinin davam etdirilməsi ilə əlaqədar olaraq yenidən tender elan edib.

Tender Neftçi Qurbanov küçəsi 136 ünvanında yerləşən Kulinariya Mərkəzinin əsaslı təmiri üzrə qalıq işlərin satın alınması ilə bağlıdır.

Agentlik qalıq işlərin davam etdirilməsinə 857 349,65 manat vəsaitin sərf olunacağını ehtimal edir.

Əsaslı təmir işlərini indiyə qədər "Promor" şirkəti aparıb. 2022-ci ildə DTA-nın sözügedən təmirlə bağlı elan etdiyi ilk tenderin qalibi bu şirkət olub və şirkətlə 618 860 manatlıq müqavilə imzalanıb.