Böyük Britaniya 2025-ci ildə istifadəyə veriləcək drone əleyhinə enerji silahı hazırlayıb.
İqtisadiyyat.az bu barədə “Financial Times”a istinadən xəbər verir.
Bildirilib ki, radiotezliyə yönəldilmiş enerji silahı (RFDEW) eyni vaxtda bir neçə pilotsuz uçan aparatı məhv edə biləcək. RFDEW düşmən dronlarının və ya digər avadanlıqların elektron komponentlərini sıradan çıxarmaq və ya zədələmək üçün radio dalğalarından istifadə edir.
Qeyd olunub ki, hazırda sınaqdan keçirilən sistem quruda, havada və dənizdə bir kilometrə qədər hədəfləri aşkar edib məhv etmək qabiliyyətinə malikdir.
