"Azərbaycandakı şirkətlər azad edilmiş ərazilərdə fəaliyyət üzrə tenderlərdə daha aktivdir".

İqtisadiyyat.az xəbər verir ki, bunu İqtisadiyyat Nazirliyi yanında Antiinhisar və İstehlak Bazarlarına Nəzarət Dövlət Xidmətinin rəisi Məmməd Abbasbəyli Təchizat Zənciri Liderləri Zirvəsində deyib.

Onun sözlərinə görə, işğaldan azad olunmuş ərazilərdə fəaliyyət üzrə keçirilən müsabiqələrdə iştirak edən şirkətlərin sayı 12-17 aralığındadır. “Bu, olduqca müsbət haldır. Azad olunmuş ərazilərdə fəaliyyətə maraq bizi sevindirir. İnanırıq ki, bu aktivlik daha da artacaq və bu aktivlik digər sahibkarları da bu istiqamətdə fəaliyyətə təşviq edəcək".