“Amerika Mərkəzi Bankının 1 fevral üçün açıqladığı faiz qərarı və bundan sonra FED sədri Cerom Pauel mətbuat konfransından bazarların gözləntisindən kənar kəskin fikirlər bildirmədi. Yəni tam bazarların gözlədiyi bir ssenari reallaşdı. Mütəxəssislər qərardan əvvəl 99.8 faiz hesab edirdilər ki, FED faiz dərəcələrini 25 faiz artıracaq. İnfilassiyanı 2 faiz həddinə qaytarmaq istəyi göstərdi ki, Pauelin əsas ssenarisi dəyişməyib. Amerika Mərkəzi Bankının bu iki faizlik hədəfi əldə olunarkən, iqtisadiyyatın ressesiyaya girməyəcəyinə, məşğulluğun kəskin pisləşməyəcəyinə ümid və gözləntilər var. Təbii ki, bu məsələ iqtisadiyyata, birjaya, bazarlara marağı olan hər kəsi sevindirən xəbər idi. Buna görə də mətbuat konfransı zamanı Amerika birjalarında düşüşdən yüksəlişə keçidi gördük. Bazarlar bu mesajları həm infilasiya aşağı dartmasında FED-in qərarlığını və inamını, eyni zamanda da bu zaman məşğulluğa, iqtisadiyyata ciddi ziyan vurmayacaqlarına dair inanclarını müsbət qarşıladıq. Təbii ki, biz son həftələr təkcə Amerikada yox, Azərbaycanda da qiymətlərin artımının ləngidiyini, yavaşladığını görürük.”

Bu fikirləri İqtisadiyyat.az saytına iqtisadçı Xalid Kərimli bildirib. Onun sözlərinə görə inflyasiyanın səviyyəsi yavaş-yavaş aşağı düşür.

Həmçinin, FED sədrinin fikirləri sayəsində inflasiyanın aşağı salan amillər getdikcə daha çox intensivləşir. İnflasiyanın daha da aşağı düşəcəyinə dair əminlik isə daha da möhkəmlənir:

“Bu fikirlər bazarlar üçün yaxşı xəbər oldu. Ümumiyətlə, Amerikanın və dünyanın iqtisadi artımı üçün müsbət dəyərləndirildi.

Bütün bunlar beynəlxalq valyuta fondunun verdiyi proqnozda da əksin tapıb. Belə ki, Beynəlxalq valyuta fondu dünya iqtisadi artımla bağlı proqnozu əvvəlki proqnozundan 0.2 faiz artıraraq, iqtisadi artımın daha da güclənəcəyini proqnozlaşdırmışdı. Bu bəyanatlar, bu fikirlər, bu proqnozlar onu deməyə imkan verir ki, biz 2023-cü ildə daha aşağı infilasiya müşahidə edəcəyik. Burda 2022, 2021-ci illərə nisbətən iqtisadi artım daha da aşağı olacaq. Eyni zamanda iqtisadçıların ingiliscə deməyə xoşladığı “soft landing” ifadəsi yəni, yumşaq paklanma, eniş ifadəsinə çox güman ki, Mərkəzi banklar və hökümətlər nail ola biləcəklər. Həm infilasiyanı aşağı çəkə biləcəklər ki, cəmiyyəti, iqtisadiyyatı narahat edən məsələlərdən biri budur. Eyni zamanda da ciddi sürrətdə İqtisadi artıma və məşğulluğa problem yaratmayacaqlar. Amerika Mərkəzi bankının Sədrinin dünənki, fikirləri təxminən bu fonda idi amma hələ infilasiyanın tam olaraq kontrol altına alındığını demədi. Belə bir fikir formalaşdı ki, FED bu istiqamətdə fəaliyətini davam etdirəcək.”

Ekspert deyir ki, ümumiyətlə 2023-cü ildə faizin aşağı salınması ilə bağlı qərar gözlənilmirdi. FED sədri mart ayında elan edəcəkləri proqnozların da əsas rol alacağını bildirmişdi. Ümumi bazarların bir yanaşmasıda bu idi ki, FED artıq tədricən faiz artımını yekunlaşdırıb. Bir qədər gözlədikdən sonra faizlər üzərində işləyəcək.

Qeyd edək ki, dünənki iclasdan və qərarın mətnindən onu demək olur ki, FED infilasiyanın aşağı salınmasında əmindir. Hazırda əsas məqsədi bu istiqamətdə işləri davam etdirməkdir.