Bərdə rayonunda direktorun vəzifədən azad etdiyi müəllim işə bərpa olunub.

İqtisadiyyat.az-ın əldə etdiyi məlumata görə, bu barədə Bərdə Rayon Məhkəməsi qərar çıxarıb.

Belə ki, Lənbəran kənd tam orta məktəbin direktoru Şölə Qasımova 2022-ci ilin martın 29-da fizika müəllimi Hümmətov Qasım Ramiz oğlunu işdən çıxarıb.

Q.Hümmətov isə işdən çıxarılmasını əsassız adlandırıb və bununla bağlı məhkəməyə müraciət edib.

Məhkəmə onun müraciətini təmin edib və müəllimin işə bərpa olunmasının təmin edilməsi haqqında qərar çıxarıb.

Q.Hümmətov bu ilin yanvarın 24-də direktor Ş.Qasımovun müvafiq əmri ilə məktəbin fizika müəllimi vəzifəsinə bərpa olunub.

Qeyd edək ki, Q.Hümmətov 2018-ci ildən sözügedən məktəbin fiziki müəllimi vəzifəsində çalışır.