Beyləqan Rayon Mərkəzi Xəstəxanası (RMX) məhkəməyə verilib.

İqtisadiyyat.az xəbər verir ki, xəstəxanaya qarşı keçmiş işçisi Qənimətova Hicran Nazim qızı iddia qaldırıb.

İşin mahiyyəti əmək mübahisələri ilə bağlıdır.

H.Qənimətova haqsız yerə işdən çıxarıldığını bildirib. O, buna görə də işə bərpa olunma, eləcə də işdən ayrıldığı müddət ərzində əmək haqqı tələbi irəli sürüb.

İddia Beyləqan Rayon Məhkəməsində hakim Ramiz Nurullayevin sədrliyi ilə araşdırılacaq.