Sidney və Norveç Universitetlərinin alimləri birgə yeməli insulin hazırlayıblar.
İqtisadiyyat.az xəbər verir ki, "Nature Nanotechnology" elmi jurnalında dərc edilən araşdırmaya görə, yeməli insulini bədənə kapsul şəklində və ya görünməz nano-daşıyıcılar vasitəsilə qəbul etmək olar.
"Biz insulinin mədə turşusu və həzm fermentləri tərəfindən parçalanmasının qarşısını alacaq bir örtük hazırladıq. Beləliklə, insulin strukturu zədələnmədən qaraciyərə çata bilər", - deyə tədqiqat iştirakçılarından olan professor Peter Makkurt bildirib.
Qeyd edək ki, inkişaf etdirilən örtük qaraciyərdə yalnız qan şəkəri yüksəldikdə aktivləşən fermentlər tərəfindən parçalanır.
Əli Ağayev