İqtisadiyyat.az-ın əldə etdiyi məlumata görə, Dövlət Gömrük Komitəsi tərəfindən şirkət barəsində İnzibati Xətalar Məcəlləsinin 485.2-ci (Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə) maddəsinə əsasən cərimə protokolu tərtib edilib.

Daha sonra protokol baxılması üçün Səbail Rayon Məhkəməsinə göndərilib. Məhkəmədə barəsində protokol tətbiq edilmiş MMC ilə bağlı müraciətə baxılıb.

Hakim Şəhla Süleymanovanın sədrliyi ilə keçirilən prosesdə qərar elan olunub. Qərara əsasən, şirkətə inzibati tənbeh tətbiq edilib, yəni cərimə kəsilib.

Xatırladaq ki, gömrük qaydaları əleyhinə olan inzibati xətaya görə vəzifəli şəxslər 1000 manat məbləğində, hüquqi şəxslər 1500 manat məbləğində cərimə edilir.

Qeyd edək ki, “Procter & Gamble” şirkəti məişətdə istifadə olunan şampun, pampers, sabun, diş pastası və s. brendlərin (Pampers, Tide, Ariel, Always, Whisper, Pantene, Mach3, Bounty, Dawn, Fairy, Gain, Charmin, Downy, Lenor, Iams, Crest, Oral-B, Duracell, Olay, Head & Shoulders, Wella, Gillette, Braun, Fusion, Ace, Febreze, və Ambi Pur) istehsalı və satışı ilə məşğuldur. Şirkət 80-dən çox ölkədə nümayəndəlikləri ilə təmsil olunaraq dünyanın 180 ölkəsində brendlərini istehlakçılara təklif edir.

“Procter & Gamble” şirkətinin nümayəndəliyi Azərbaycanda 1998-ci ildən fəaliyyət göstərir. Şirkət Azərbaycanda istehlakçılara 30-dan çox brend altında məhsullar təklif edir.