81 saylı İmişli şeçki dairəsindən deputatlığa namizəd Elnur Məmmədovun seçicilərlə görüşü davam edir.
İqtisadiyyat.az xəbər verir ki, o, görüşlər zamanı seçicilərini seçki platforması ilə tanış edib.
Deputatlığa namizəd seçiciləri parlament seçkisində fəal iştirak etməyə çağırıb.
E.Məmmədov deputat seçiləcəyi təqdirdə seçicilərinin etimadını layiqincə doğruldacağına söz verib.
Qeyd edək ki, Elnur Mənəf oğlu Məmmədov 5 dekabr 1975-ci ildə İmişli rayonunda anadan olub. 7 saylı tam orta məktəbi bitirib.
1994-1997-ci illərdə hərbi xidmətdə olub.
Perm Dövlət Humanitar Pedoqoji Universitetinin “Sağlamlıq imkanları məhdud” insaların bədən tərbiyyəsi fakültəsini bitirib.
Türkiyədə Bayburt Dövlət Univetsitetində magistr təhsili alıb.
Azərbaycan Autizm Assosiasiyasının idarə heyətinin sədri, Türk Dövlətləri Autizm Federasiyasının prezidentidir.
Beynəlxalq Daun Sindromlu İdman Federasiyasının (SUDS) Azərbaycan təmsilçisidir.
Dünya Bocce Konfederasiyasının (CBİ) Azərbaycan təmsilçisi olmaqla yanaşı həm də, DBK-nın marketinq və sponsorluq komitəsinin üzvüdür.
Bir sıra beynəlxalq tədbirlərin iştirakçısı və təşkilatçısıdır.