Bu sözləri İqtisadiyyat.az-a Milli Məclisin deputatı Sevinc Hüseynova deyib.
O bildirib ki, COP29 ölkəmizin uğur tarixində yeni bir səhifədir və Azərbaycan müstəqillik tarixində ən böyük miqyaslı qlobal tədbirə uğurla ev sahibliyi edib: “Bu tədbir ölkəmiz üçün böyük siyasi və iqtisadi dividendlər gətirəcək. Əvvəla, onu qeyd etmək lazımdır ki, bu tədbirin ölkəmizdə keçirilməsi ilə bağlı qərarın özü Azərbaycana olan böyük etimadın və ölkəmizin beynəlxalq müstəvidə böyük nüfuza sahib olmasının növbəti bir göstəricisidir. Bu qlobal miqyaslı tədbirə layiqincə ev sahibliyi etməsi ölkəmizin nüfuzunu xeyli artıracaq və mövqeyini xeyli möhkəmləndirəcək".
"Bu tədbir eyni zamanda Azərbaycan üçün böyük iqtisadi faydalar gətirəcək. Konfrans çərçivəsində ölkəmizə minlərlə xarici nümayəndə, investor, ekspert və digər qonaqlar gəldi. Xüsusilə çoxlu sayda investorun Azərbaycana gəlməsi mühüm əhəmiyyətə malikdir. COP29 ölkəmizin investisiya cəlbediciliyini xeyli dərəcədə artıracaq, investorlara ölkəmizlə yerində tanış olaraq qərar verməyə və gələcəkdə həm ekoloji layihələrə, həm də digər sektorlarda investisiyaların cəlb olunmasına geniş imkanlar yaradacaq",
