Tankerlərlə tranzit edilən neftin qlobal həcmi keçən həftə 2020-ci ildən bəri rekord həddə çatıb.

İqtisadiyyat.az xəbər verir ki, bu barədə cümə axşamı Bloomberg Vortexa analitik şirkətinə istinadən məlumat yayıb .

Məlumata görə, ötən həftə dəniz yolu ilə 1,27 milyard barel neft nəql olunub. Bu rəqəm 2022-ci ilin avqustundan 230 milyon barel artıb.

Avropa ölkələri Rusiya neftindən imtina edərək onu dəniz yolu ilə başqa ölkələrdən almağa başlayıblar Rusiya Asiya ölkələrinə, xüsusən də Hindistan və Çinə daha çox neft tədarük etməyə başlayıb.

Agentlik OPEC+ ölkələrinin qlobal enerji bazarının sabitliyini təmin etmək üçün 2023-cü ilin may ayından ilin sonuna kimi neft hasilatını azaltmaq qərarına görə göstəricinin tezliklə azalacağını güman edir.