Əmək və Əhalinin Sosial Müdafiəsi Nazirliyi (ƏƏSMN) yanında Dövlət Əmək Müfəttişliyi Xidmətinə (DƏMX) məxsus nəqliyyat vasitəsinin qanunvericiliyin tələblərini pozaraq idarə edilməsi halı aşkarlanıb.
İqtisadiyyat.az xəbər verir ki, Daxili İşlər Nazirliyindən DƏMX-ə məxsus avtomobilə görə İnzibati Xətalar Məcəlləsinin 469.3-cü maddəsinə əsasən cərimə protokolu tərtib olunub.
Buna səbəb isə avtomobilin icbarı sığorta olunmamasıdır.
Protokol baxılması üçün Binəqədi Rayon Məhkəməsinə göndərilib və hakim Aynurə Sadıqovanın sədrliyi ilə araşdırılacaq.
Qeyd edək ki, İXM-nin 469.3-cü maddəsinə əsasən, mülki məsuliyyəti icbari qaydada sığorta etdirmək vəzifəsi müəyyən edilmiş avtonəqliyyat vasitəsi sahibləri tərəfindən sığortaçı ilə icbari sığorta müqaviləsinin bağlanmamasına görə fiziki şəxslər əlli manat məbləğində, vəzifəli şəxslər yüz manat məbləğində, hüquqi şəxslər üç yüz manat məbləğində cərimə edilir.
