Məşhur “Dəmir adam” filminin ulduzu Robert Dauninin istifadə etdiyi saqqız hərraca çıxarılıb.
İqtisadiyyat.az xəbər verir ki, aktyorun çeynədiyi saqqız başlanğıc olaraq 40 min 300 dollara satışa qoyulub.
Satıcının sözlərinə görə, saqqızı təxminən bir ay əvvəl aktyor Los-Ancelesdəki Şöhrət Xiyabanında həmkarı Con Favrona zarafatla yapışdırıb. Həmin an saqqız yerə düşüb və satıcı onu götürüb. Bildirib ki, o, saqqızı tapdığı vəziyyətdə satır və onu DNT-dən keçirərək yoxlamaq olar.
Qeyd olunub ki, məhsul plastik qabda göndəriləcək. Saqqızı qaytarmaq mümkün olmayacaq. Hərrac 31 avqustda bitəcək.
