Fransanın süd məhsulları istehsalçısı "Danone" şirkəti Rusiyadakı biznesini 191,5 milyon dollara satacaq.

Bu barədə İqtisadiyyat.az “Financial Times”a istinadən xəbər verir.

Məlumata görə, alıcı Rusiyanın süd məhsulları istehsalçısı "Vamin Tatarstan" olacaq.

"Vamin Tatarıstan"ın rəhbərliyinin Rusiyanın kənd təsərrüfatı naziri Dmitri Patruşevə göndərdiyi məktuba əsasən, şirkət "Danone"nin Rusiyadakı aktivlərinə nəzarət üçün 17,7 milyard rubl (191,5 milyon dollar) ödəməyə hazırdır. Bildirilir ki, bunun 7,7 milyard rublu Rusiya müəssisəsinin borcunun ödənilməsinə, qalan hissəsi isə "Danone"nin şirkətdəki payının ödənilməsinə yönəldiləcək.

 

Gözəl Həşimova