Danimarkanın paytaxtı Kopenhagendə şəhərin ən qədim tikililərindən biri olan birja binasında yanğın hadisəsi baş verib.
İqtisadiyyat.az “Associated Press”ə istinadən xəbər verir ki, yanğın nəticəsində birjanın bir-birinə dolanmış əjdaha quyruğu formasında düzəldilmiş 56 metrlik məşhur abidəsi dağılıb.
Məlumata görə, binanın damında başlayan yanğın artıq binanın qalan hissəsinə keçib. Damın bir hissəsi uçub.
Hadisə yerinə yanğından mühafizə briqadaları cəlb olunub. Yanğının söndürülməsi istiqamətində işlər davam etdirilir.
Qeyd edək ki, 17-ci əsrə aid birja binası kral Kristiansborq sarayının yaxınlığında yerləşir.
