Danimarka hökuməti 2020-ci ildə açdığı Bağdad səfirliyini bağlamaq qərarına gəlib.

İqtisadiyyat.az xəbər verir ki, bu barədə Danimarka Xarici İşlər Nazirliyi öz internet səhifəsində Bağdad səfirliyinin vəziyyəti ilə bağlı açıqlama verib.

Açıqlamada, NATO-nun İraqdakı Təlim və Məsləhət Missiyasına (NMI) töhfə vermək üçün 2020-ci ildə Danimarkanın Bağdadda açdığı səfirliyin mandatının sona çatdığı, lakin Kopenhagenin az sayda personalla bu quruma töhfə verməyə davam edəcəyi bildirilib.

Bəyanatda Danimarka ordusunun əksər personalının İraqdan çıxarılması ilə Bağdad səfirliyinin xidmət sahəsinin daraldığı qeyd edilib. Bu səbəbdən Danimarka hökuməti səfirliyini 31 may 2024-cü il tarixindən etibarən bağlamağa qərar verib.

 

Gözəl Həşimova