Danimarkanın baş naziri Mette Frederiksen iqtisadi artımın artırılması və Aİ ölkələrinin rəqabət qabiliyyətinin gücləndirilməsi məsələsinin sürətli həllini görmür.
İqtisadiyyat.az xəbər verir ki, o bu barədə Aİ-də iqtisadi vəziyyətin və icma üçün zəruri transformasiyaların müzakirə edildiyi Aİ sammitindən sonra bildirib.
"Mən səbirsizliyi başa düşürəm, biz bunu Avropada bacardığımız qədər tez edirik. Avropa Komissiyası daim aradan qaldırıla bilən maneələrin nədə olduğunu müəyyənləşdirir və bu da Danimarka bizneslərinin tələbidir", - baş nazir qeyd edib.
"Vəziyyət o mənada ciddidir ki, bir neçə il irəliyə baxsanız, qlobal artımın çox böyük bir hissəsi Avropadan kənarda baş verəcək və bu, Avropa üçün yaxşı deyil", - Frederiksen deyib.
