Kataloniya Ali Məhkəməsi zorlamada təqsirli bilinən braziliyalı futbolçu Dani Alvesin həbsdən azad edilməsinə razılıq verib. 

Bu barədə İqtsadiyyat.az TASS-a istinadən xəbər verir.

Məlumata görə, idmançı 1 milyon avro girov qarşılığında azadlığa çıxacaq. Eyni zamanda ondan İspaniya və Braziliya pasportarını təhvil verməsi tələb olunur. D. Alvesin ölkədən çıxışı qadağandır və tələb olunduqda məhkəmə qarşısına çıxmalıdır.

Braziliyalı futbolçu Dani Alves ötən ilin yanvarın 20-də həbs edilib. İddia edilən qurbanın dediyinə görə, 30 dekabr 2022-ci ildə Barselonadakı gecə klublarından birində futbolçu onu döyüb və zorlayıb. Məhkəmə futbolçunu 4,5 il müddətinə azadlıqdan məhrum edib.

D. Alves futbol üzrə Fransa, İtaliya, İspaniya çempionu olub və bu ölkələrin ölkə kubokunu qazanıb. Braziliya milli komandasının üzvü kimi müdafiəçi Olimpiya Oyunlarının və Gənclər arasında Dünya Çempionatının qalibi olub, həmçinin Amerika Kuboku, eləcə də Konfederasiyalar Kubokunu qazanıb.