Yeni Zelandiya hakimiyyəti Fələstinin HƏMAS hərəkatını terror təşkilatları siyahısına əlavə edib.
İqtisadiyyat.az xəbər verir ki, bu barədə Yeni Zelandiyanın Baş naziri Kristofer Lakson və xarici işlər naziri Uinston Petersin birgə bəyanatında deyilir.
Məlumata görə, qərar bütün Fələstin xalqına şamil edilmir. Bildirilib ki, təşkilat bütövlükdə dəhşətli terror aktlarına görə məsuliyyət daşıyır.
Yeni Zelandiya qanunlarına görə, ölkədə yerləşən terror təşkilatının bütün aktivləri dondurulur. Bu cür aktivlərlə hər hansı əməliyyatlar, habelə təşkilata hər hansı maddi dəstək cinayət məsuliyyəti hesab olunur.
Qeyd edək ki, HƏMAS Avstraliya, Böyük Britaniya, Avropa İttifaqı, İsrail, Kanada, ABŞ və Yaponiyada da terror təşkilatı kimi tanınıb.
Gözəl Həşimova
