Sloveniya, Lüksemburq, Portuqaliya və Belçika kimi Avropa İttifaqı (Aİ) ölkələri yaxın gələcəkdə Fələstini tanıyacaq.
İqtisadiyyat.az TASS-a istinadən xəbər verir ki, bu barədə Fələstinin Rusiyadakı səfiri Əbdül Hafiz Nofəl məlumat verib.
“Biz yaxın bir neçə gün ərzində Sloveniya tərəfindən Fələstinin tanınmasını gözləyirik. Həmçinin yaxın gələcəkdə Lüksemburq, Belçika və Portuqaliyanın da eyni addımı atacağını gözləyirik”, - deyə səfir bildirib.
Qeyd edək ki, bundan əvvəl Norveç, İrlandiya və İspaniya Fələstini suveren ölkə kimi tanıyıb.
