Tikinti şirkəti olan "Cronus Construction" Məhdud Məsuliyyətli Cəmiyyətinə (MMC) cərimə yazılıb.

İqtisadiyyat.az xəbər verir ki, tikinti şirkəti barəsində İnzibati Xətalar Məcəlləsinin 469.3-cü maddəsinə əsasən cərimə protokolu tərtib edilib.

Daha sonra protokol baxılması üçün Binəqədi Rayon Məhkəməsinə göndərilib. İşi hakim Fərid Əmirəliyev araşdıracaq.

Şirkətin barəsində cərimə protokolu tərtib olunan maddədə deyilir ki, qanunla mülki məsuliyyəti icbari qaydada sığorta etdirmək vəzifəsi müəyyən edilmiş avtonəqliyyat vasitəsi sahibləri tərəfindən sığortaçı ilə icbari sığorta müqaviləsinin bağlanmamasına görə fiziki şəxslər əlli manat məbləğində, vəzifəli şəxslər yüz manat məbləğində, hüquqi şəxslər üç yüz manat məbləğində cərimə edilir.