Pentaqon Ukraynaya hərbi yardımı birbaşa öz arsenallarından təmin etməyə imkan verən yerdə qalan 4 milyard dollardan istifadə etməyi düşünür.
İqtisadiyyat.az xəbər verir ki, bu barədə mənbələrə istinadən CNN məlumat yayıb.
Nəşrin sözlərinə görə, hələlik yekun qərar verilməyib. Amerikanın yüksək rütbəli məmurları bu məbləğin heç olmasa bir hissəsinin istifadə edilməsi imkanını müzakirə edirlər.
Fevralın 20-də brifinqdə ABŞ Müdafiə Nazirliyinin mətbuat katibinin müavini Sabrina Sinq bildirib ki, ABŞ qanunvericiləri əlavə maliyyələşdirmə haqqında qanun layihəsini təsdiq edənə qədər Pentaqon risk götürmək və Kiyevə öz arsenallarından yeni təcili hərbi yardım paketləri ayırmaq niyyətində deyil.
