Çinin oktyabr ayında ixracı 12,7% artaraq son 27 ayın ən yüksək səviyyəsinə çatıb.

İqtisadiyyat.az xəbər verir ki, bu barədə Çin Xalq Respublikasının Baş Gömrük İdarəsi bildirib.

Hesabat dövründə Çin ixracını illik müqayisədə 12,7% artıraraq 309 milyard dollara çatdırıb.

İxrac artımı ardıcıl yeddinci aydır ki müşahidə olunub. Oktyabrda Çinin idxalı isə 2,3% azalaraq 213,3 milyard dollar olub.

Qeyd edək ki, Azərbaycanın Çin ilə ticarət dövriyyəsi bu ilin yanvar-sentyabr aylarında 2,6 milyard dollar təşkil edib.

 

Gözəl Həşimova