Bu ilin yanvar-fevral aylarında Çinin iri internet şirkətlərinin ümumi gəliri illik müqayisədə 7,6% artaraq 246,3 milyard yuan (təxminən 34,71 milyard dollar) təşkil edib.

İqtisadiyyat.az xəbər verir ki, bu barədə Çinin Sənaye və İnformasiya Texnologiyaları Nazirliyi məlumat yayıb.

Məlumata görə, müəssisələrin ümumi mənfəəti isə illik müqayisədə 6,5% artaraq 16,97 milyard yuan (təxminən 2,4 milyard dollar) təşkil edib.

Eyni zamanda, ötən il Çində internet istifadəçilərinin sayı 1,09 milyardı ötüb. Əhalinin qlobal şəbəkəyə çıxış səviyyəsi 77,5% təşkil edib.

 

Gözəl Həşimova