Daşqın mövsümü başlayandan bəri Çinin cənubunda leysan yağışları nəticəsində 38 nəfər ölüb, 55 mindən çox insan xəsarət alıb.

İqtisadiyyat.az xəbər verir ki, bu barədə Çin Mərkəzi Televiziyası yerli hakimiyyət orqanlarına istinadən məlumat yayıb.

Bildirilib ki, Meyçjou şəhərinin (Quanqdonq əyaləti) Pingyuan qraflığında yağışların yaratdığı daşqınlar və torpaq sürüşmələri ciddi fəsadlar törədib. İyunun 21-nə olan məlumata görə, təbii fəlakət nəticəsində 38 nəfər ölüb, 2 nəfər itkin düşmüş hesab olunur.

Bundan başqa, ilkin məlumatlara görə, 55388 nəfər xəsarət alıb, 2247 ev, 4697 yol dağılıb, 6759 hektar əkin sahəsi və 452 hektar su təsərrüfatına ziyan dəyib.

Birbaşa iqtisadi itkilər təxminən 5,85 milyard yuan (təxminən 800 milyon dollar) həcmində qiymətləndirilir.