Çinin Sıçuan əyalətinin kəşfiyyat xidmətləri Çin Xalq Respublikasının müdafiə müəssisələrindən birində ABŞ-nin səlahiyyətli orqanlarına məxfi məlumatların ötürülməsi faktını müəyyən edib. 

İqtisadiyyat.az xəbər verir ki, bu barədə Çin Dövlət Təhlükəsizlik Nazirliyi məlumat yayıb.

İdarədən bildirilib ki, casusluğu əvvəllər ABŞ-də təcrübə keçmiş Hou adlı vətəndaş həyata keçirib. Onun barəsində iş açılıb və o, Çenqdu şəhərinin (Sıçuanın inzibati mərkəzi - red.) xalq məhkəməsinə verilib.

Səlahiyyətlilər yaydıqları bəyanatda qeyd ediblər ki, Çinin milli təhlükəsizliyinə təhdid yaradan hər hansı hərəkəti ciddi şəkildə əngəlləyəcəklər.