"Çin iqlim dəyişikliyi ilə mübarizə və digər sahələrdə Sakit okean regionunun ada dövlətləri ilə əməkdaşlığı inkişaf etdirməyə hazırdır".

İqtisadiyyat.az xəbər verir ki, bunu Fici Respublikasının Baş naziri Sitiveni Rabuka ilə Pekində keçirilən görüşdə Çin Xalq Respublikasının sədri Si Cinpin deyib.

"Çin Fici Respublikasına və digər Sakit Okean ada ölkələrinə iqlim dəyişikliyi ilə mübarizədə yardım göstərməyə, Sakit Okeanı inkişaf etdirmək və sülh, dostluq və əməkdaşlıq okeanına çevirmək üçün əməkdaşlığı gücləndirməyə hazırdır", - Çin Mərkəzi Televiziyası onun sözlərini sitat gətirib.

Si Cinpin həmçinin vurğulayıb ki, Çin Çin-Fici münasibətlərinə böyük əhəmiyyət verir və Fici Respublikasının iqtisadi və sosial inkişafı üçün öz imkanları daxilində yardım göstərməyə, ikitərəfli münasibətlərin ümumi istiqamətini müəyyən etmək üçün onunla işləməyə davam etməyə hazırdır.